Нью-Йорк фотографы Сет Кастил "Су астындағы күшіктер" сериясы аясында күшіктерді жүзу барысында суретке түсіріп, альбом жасап шықты.
Бір қарағанда еш қиындығы жоқ жұмыс сияқты көрінуі мүмкін. Бірақ олай емес екен.
"Бұл жұмысқа кіріспес бұрын мен 1500-ге жуық күшікке жүзуді үйреттім. Олар суда өздерін сенімді ұстап, жүзуді әбден үйренгеннен кейін ғана суретке түсіруге кірістім", – дейді жоба авторы Сет Кастил.
Оның айтуынша, кейбір күшіктер суда бір минуттан артық тұра алмай, жағаға шығуға ұмтылып отырған, есесіне кейбіреуіне жүзудің ұнағаны соншалық, суға өздігінен қайта-қайта секіріп, ойыншықтарды қуып қызықтап ойнаған екен.
Дайындаған: Елбарыс Махамбет
Boredpanda.com материалдары бойынша