Нью-Йорк қаласындағы Честнат Ридж саябағында шағын ғана сарқырама орналасқан. Оны жергілікті халық "Мәңгілік оттың сарқырамасы" деп атайды. Бұл маңда қашанда от жанып тұрады. От ара тұра сөніп қалады, мұндайда осы саябаққа келген туристер оны жағып кетіп жатады.
Тағы бір ерекшелігі, сарқырамадан бұзылған жұмыртқаның иісі шығады (газдан болса керек-ті). Оның жанында отты желден және судан қорғап, ұзақ жануына жағдай жасайтын жарықшақ орналастырылған. Ұзындығы тоғыз метрден асатын сарқырама екі бағытқа бөлініп құлайды. "Мәңгілік оттың сарқырамасы" – Солтүстік Америкадағы ең сирек кездесетін туристік орындардың бірі.
Индиана университетінің ғалымдары Нью-Йорк штатындағы Честнат Риджтау саябағының астындағы тау жыныстары мәңгілік от "қоректенетін" газды өндіруге қауқарсыз (температурасы жеткіліксіз) дегенді айтып отыр. Бұл дегеніміз, газды басқа бір механизмнің өндіретіндігін білдіреді. Мамандар әзірге мұның жауабын таба алмай отыр.
Су астындағы отты жаққан осыдан мың жыл бұрын өмір сүрген жергілікті американдықтар деген тұжырым бар. Мұндай табиғи оттар біздің планетамызда санаулы ғана, ертеректер ғалымдар оларды тау жыныстары өндіріп шығаратын табиға газдардың әсерінен сақталып тұрады деп паймымдайтын еді. Алайда, зерттеудің авторы Арндт Шиммельманн "Мәңгілік оттың сарқырамасының" астындағы тау жыныстарының температурасы бір шыны шәйдің температурасындағыдай ғана дегенді мәлімдеді. Сонымен қатар, тау тақтатастары айтарлықтай кәрі емес те болып шықты. Осы екі фактор оттың құпиялығын арттыра түсуде.
Шиммельман: " Біз газдық генерацияның осы ауданда басқа бір көзі бар деп ойлаймыз, бәлкім, мұндай ерекше тәсіл планетамыздың өзге жерлерінде де кездеседі. Олай болса бұл жағдайды одан сайын шиеленістіреді. Біздің алдымызда әлі де ұзақ зерттеулер күтіп тұр" деген екен.
Жаз мезгілінде отбасылы адамдар Честнат Ридж саябағына жиі келеді. Бұл жерде туристік маршруттар, велосипедке арналған жолдар, ойын алаңдары, тенниске арналған,көкке шығуға ниет білдіргендерге арналған алаңқайлар бар.
"Мәңгілік алаудың сарқырамасы" көктем мезгілінде(қар ерігенде) және күздің жауынды күндерінде қатты толысады. Және осы кезеңдерде сарқыраманың ең сұлу көрінісін тамашалауға мүмкіндік туады.
Дайындаған: Айгерім Сматуллаева
Суреттер: vk.com