Қырсық бір айналдырса, шыр айналдырады. Тағдыр тауқыметіне төтеп бере алмаған қаншама адам көше кезіп, өз-өзіне келе алмастан, түзу жолдан тайып кете береді. Кейбіреулер оларға көмектесудің орнына, онсыз да қиналып жүрген жанын одан бетер сыздата түседі. Адамгершілік танытып, оларды қиын жолдан алып шығудың орнына, сол қалпы жүре бергендерін қалайтын да секілді. Саудагер дүкенінің алдын үйіне айналдырған бейшараны күнде қуып, мекендеуге мүмкіндік бермейді. Алайда саудагер кезбенің онда жайдан-жай жүрмегенін білсе ше...