Қарт ұстаз өз алақанын 95°-қа дейін ысыта алады

Қытайдың тайцзицюань мен кунг-фу соғыс өнерін жетік меңгерген және цигун машығын ем-домға кеңінен қолданатын Чжоу Тин-Джу есімді майталман құр алақанмен адам төзгісіз от жарата алады. 

"Қытай інжуі" атанып кеткен Чжоу ұстаз бұған дейін көптеген теле-шоуларға қатысып, осыған дейін орын алған бірнеше ғылыми эксперименттердің нысанына айналып үлгеріпті.

Сэнсэй су қайнатар ыстықты жаратып қана қоймай, сонымен қатар халықтық ем-доммен өмір сүреді. Ол ісік-домбықтарды, ұзаққа созылған ауыр жарақаттар мен әртүрлі жұпалы аурулардың мың да бір емін тапқан.

Мәселен, ұстаз өз ем-күшін Далай Ламаны, америкалық баскетболшыларды, Олимпиада атлеттері мен әйгілі тұлғаларды және жер-жаһанның байларында емде кеңінен қолданған. 

Қытайда оны бәрі  "Ұлт жауһары" деп атайды. 

Бүгінде жетпісті алқымдаған Чжоу Тин-Джу кунг-фу техникасын атасынан 7 жаста меңгеруді қолға ала бастапты, бар-жоғы 16 жасында дене күшіне иелік етуге мүмкіндік беретін цигун құпиясын жан-жақты тани бастаған. Бір емес, бірнеше ұстаздардан дәріс алған.

АҚШ-қа қоныс аударған күні-ақ ол туралы аңызға бергісіз әңгімелер ғалымдардың құлағына шалынған. Алайда, әлі күнге дейін Чжоу Тин-Джудің өз алақанын қалай ысытатынын ешкім біле алмай келеді.

Сурет:doramikus.com 

Дайындаған: Фараби Арыстанбек