Жер бетінде түрлі қызықтар, аңыздар, мифтер мен құпияға толы мекендер бар. Олардың сыры әлі күнге дейін ашылған жоқ. Кейбірі ашылған күннің өзінде мақсаты мен бағыты айқын емес. Сонымен сіз ішіне кірмек түгілі жанына жақындай алмайтын 5 құпияға толы мекен.
Coca-Cola-ның қоспалары сақталған қойма
Coca-Cola компаниясы өздерінің сусындарын шығарған күннен бастап, оның қоспалары туралы нақты деректерді адамдарға белгісіз, тек өздеріне тән қоймада сақтап келеді. Дегенмен көпшілік сусынның қоспаларын басшылық біледі, сақтаудың қажеті жоқ дейді. Ал нақты қандай қоспа екені туралы 1979 жылы БАҚ беттерінде жария болып кеткен. Ең қызығы сол жарияланған ақпараттың шын-өтірік екенін білу үшін қоймаға кіру керек. Ал бұл әлі ешкімнің қолынан келген емес.
39-бөлме
Жабық саясат ұстанатын Солтүстік Кореяда осындай атаумен ерекшеленетін құпияға толы бөлме бар. 39-бөлмеде билік басындағылар адам ақылына келмейтін түрлі жұмыстармен айналысады десе-ді. Ал нақты бұл бөлменің қайда орналасқаны белгісіз.
Исэ храмы
Жапон елінің ең асыл, ең керемет құпияға толы жерлерінің бірі – Исэ храмы. Бұл храмның атағын аспандатып жіберген «Аматэрсу» айнасы. Бұл айна аты аңызға айналған ерекше жәдігер. Деректерге сүйенсек, храмды әр жиырма жыл сайын бұзып, қайта басқа жобада тұрғызады екен. Оған тек патша тұқымы мен отбасы кіре алады. Ал басқа кез келген адам алыстан бақылап қана өте алады.
Жәдігерлер қоймасы
Солт-Лейк-Ситиде тау шатқалының биігіне орналасқан. Егер бара қалсаңыз сізді алып есік қарсы алады. Сонымен қатар қарумен жасақталған сарбазар да бар. Себебі бұл жерде ең құнды құжаттар мен жәдігерлер сақталған. Ондағы құжаттар турасында ешкім ештеңе білмейді.
Клуб-33
Уолт Диснейдің1967 жылы ашқан құпияға толы клубы. Ол Диснейлендте орналасқан. Онда тек мемлекет басшылары, саясаткерлер мен байлар кіре алады. Оның өзінде арнайы талаптармен. Ал жалпы қызығып кіруге құмартып тұрсаңыз, аталған жер үшін 30 мың доллар төлейсіз. Одан бөлек алдын-ала кезекке тұрасыз. Ал кезектің ұзақтығы- 14 жыл.