Грузиялық қыз Дарданелл бұғазынан аяқ-қолы байланған күйі жүзіп өтті

03 қыркүйек 2012, 11:02

Грузиялық жүзгіш қыз аяқ-қолы байланған қалпы Дарданелл бұғазынан жүзіп өтіпті. Бұл туралы "Спорт-Экспресс" хабарлайды.

17 жасар Анна Ломинадзе аталған бұғазды грузиялық әскери стиль болып табылатын "колхури" әдісі арқылы жүзіп өткен әлемдегі ең бірінші әйел болып табылады. Айта кететін болсақ, Түркиядағы Эджибат қаласынан бастау алған ұзақ қашықтыққа жүзу 50 минут бойына созылған (бастапқы жоспар бойынша берілген қашықтықты 90 минутта жүзіп өту бағдарланған). 5,5 метрді жүзіп өту барысында анау айтқандай қиындыққа тап болмаған көрінеді.

Осы арқылы Анна Ломинадзе кезінде спорт саңлағы болған, бүгінде ел зиялысы болып отырған Генри Купрашвилиге тағзым қылғысы келіпті. Естеріңізде болса, Генри Купрашвили 10 жыл бұрын Дарданелл бұғазын аяқ-қолы байланған күйі жүзіп өткен бірінші адам болатын.

сурет:apsny.ge

Дайындаған: Фараби Бақыт

Л. Лига