Лувье қаласындағы Анатоль Франс атындағы бастауыш мектептің оқушылары жаңа жыл қарсаңындағы демалыстарынан кейін күтпеген тосын сыйға тап болды. Олар енді мектептен-үйге, үйден-мектепке Франциядағы ең ерекше транспорт түрімен (велосипед педальдары бар квадроцикл) қатынайтын болды. Балаларға арнайы велосипед каскасы мен түрлі-түсті жилеттер беріледі. Шамамен, олар 4 километр қашықтықты жүріп өтеді, ал жылдамдығы – 15км/сағат. Велобустар тек 10 адамға ғана арналған және Францияның тар көшелеріне жүруге ыңғайластырылып кішігірім етіп жасалынған. Әзірге бақылау үшін тек 3 велобус оқушыларға қызмет етеді. Ал оның жүргізушісі тұрақты түрде айлық алатын болатын.
Жоғарыда атағанымыздай бұл велобустарға «S’cool bus» деген атау берілген. Ағылшын тілінен аударғанда – «мектеп оқушыларын арналған автобус» дегенді білдіреді. Ал француз тілінде «c’est cool bus» деген сөз «ерекші автобус» дегенді мағынаны береді екен.
Жоба авторы Амори Пикьо осыған ұқсас автобусты Голландияда көрген. Өндірістік тәжірибеден келгеннен кейін өзінің айналасындағыларға экологиялық таза транспорт жасау туралы идеясын айтқан. Осыдан үш жыл бұрын «S’cool bus» қоғамдық бірлестік құрылып, Лувье қаласында іске аса бастаған. Қаладағы муниципалитет дотациясының барлығын осы велобустарға жұмсамақ. «S’cool bus» қоғамдық бірлестікпен құны 150 000 еуро болатын арнайы келісімшарт жасалды.
Расымен, бұл экологиялық таза автобустар қатарына жатады. Оқушылар да, мұғалімдер де, ата-аналар да қуанып жатқан көрінеді. Бір жағынан бұл транспорт оқушыларды спортқа бейімдейді.
Дереккөз: «The Qazaq Times»