Маррокандық Сахарадағы Тафиалалет Оазисі әлемдегі ең ірі оазистердің бірі. Ол өзінің тәтті тағамымен танымал. Құрма ағашы жергілікті экономиканың негізі. Көне сауда қалашығы Эрфудтың жан жағы миллиондаған құрма ағаштарына бай.
Бұл жақтан шөлді аймаққа сапарға аттану өте қызықты. Ал белгілі бір мезгілде сапарға шығатын болсаңыз, жыл сайынғы құрма жинау мерекесіне қатыса аласыз. Құрма мерекесі жыл сайын қазан айында өткізіліп, болашақта мол өнім алуға ниет білдіріледі. Шөлді даланың шаң басқан қаласы үш күнге мерекелік шараларға толы болады. Көше бойындағы ән мен би, сонымен қатар, Мерзуга құм төбесіндегі бәйге-жарыстары мерекенің сәнін кіргізеді.
Әдемі қаланың сауда базарларын аралаған кезде бербер (солтүстік Африка елінің жергілікті халқы) саудагерлерінің үлкен-үлкен құрма жемісін сатып жатқанын байқай аласыз. Сауда барысында олар сатып алушылармен құрманың көлемін ғана емес, оның сапасы мен бағасын алға тартады. Бербер халқының қонақжайлылығы кез келген жанды таң қалдырады. Ерікті көмекшілерден мін табу қиын, олар мереке күндерінің ең қызықты шараларымен қатар, құрма жемісі жайлы барлық ақпаратты береді. Сондай-ақ, жергілікті рагудан ауыз тигенде тәтті дәмнің бар екенін сезесіз. Асқа бұл дәмді келтіру үшін арнайы құрмадан жасалған ас қатығын қосады. Сіз ыстық жалбыз шәйін ішіп, тамақтанғанша, бербер қожайындары құрма жемісін теріп, кейін көп мөлшерде сізге оларды сыйға тартады.
Құрма жемісі мароккан мәдениетінде үлкен орын алады. Сәттілік пен табыс әкелетін бұл жемісті діни рәсімдерде құрбан етіп, құрмет белгісі ретінде сыйға беріледі.
сурет: lonelyplanet.com