Covid-19: Жылыжай мейрамхана
![Covid-19: Жылыжай мейрамхана](/userdata/news/news_62065/image_l.jpg)
Фото:
vk.com
Амстердамдағы Mediamatic Eten мейрамханасы пандемияның таралуына байланысты жаңа жүйе ойлап тапты. Енді аталған мейрамхана қонақтарды әдемі шағын жылыжай іспетті үйшіктерде күтеді.
"Serres Sépparées — мейрамхана бизнесіндегі жаңа концепция. Бар әлемді жаулаған вирус әсерін азайту мақсатында қалыптасқан дүниелер өзгеріске ұшырап жатыр. Біз де бір шешімін тапқандай болдық. Енді сүйіктіңізді кешкі асқа шақыру үшін карантин аяқталғанын күтудің қажеті жоқ", - деп жазды мейрамхана басшылығы.
Қызмет көрсетуші персонал барлық карантин шараларын сақтайды. Ал ас салынған тәрелкелер қашықтықты сақтау үшін арнайы тақтайшалармен ұсынылады.
Бір қызығы, үстелдер 26 маусымға дейін брондалып қойған екен.
А. Оралқызы