14 жастағы бала мен 10 жастағы қыздың үйлену тойы Интернет қолданушыларын таңғалдырды

14 жастағы бала мен 10 жастағы қыздың үйлену тойында түсірілген суреттер әлеуметтік желі қолданушыларын таңғалдырды, - деп хабарлайды kaz.tengrinews.kz тілшісі  "Аль-Арабия" басылымына сілтеме жасап.

Суреттер Иранда түсірілген, ал үйлену тойы 14 тамызда болды. Жергілікті билік балалардың үйленуіне рұқсат бермегеніне қарамастан, ата-аналары олардың тойын жасаған.

Үйлену тойында қалыңдық ақ көйлек киді. Суреттен балалардың ата-анасының бақытты екенін аңғаруға болады.

Басылымның мәліметінше, Ислам Республикасының заңында қыздарға 13 жастан бастап тұрмысқа шығуға рұқсат етілген. Ал ер балалар 15 жастан бастап үйлене алады. Бұған қарамастан, 2010 жылы 42 мың бала 10-14 жасында үйленген болып шықты.