«Сұңқар Кубогы» Жайдарманға дейінгі жетістік жолы

Әл-Фараби атындағы Қазақ ұлттық университетінің беделі ғана емес әрбір жасаған іс-шарасының өзі мега-шоу. Бұлай дейтініміз ҚазҰУ төрінде өтетін кез келген мерекелік концерттер мен түрлі шаралардың дайындығы, өту барысы үлкен еңбекпен келеді. Соның ішінде «Сұңқар» студенттер мен магистранттар кәсіподағының жыл сайын дәстүрлі түрде ұйымдастыратын «Сұңқар Кубогы» КВН ойындары. 
                                                                 Сахнада ән салып тұрған – Жігер Ауыпбаев

«Сұңқар Кубогы» жыл сайын өтетін, жастарды шыңға жетелеуге арналған, әзіл арқылы көрерменнің көңілін табуға дайындайтын көңілді тапқырлар клубы әрі жарыс. Он бес факультеттің басын біріктіре отырып, әр мауысымға бөле отырып, финалдық, жартылай финалдық кезеңдермен қамтылған шараның 7 сәуір күні ақтық мәресі өтті. 
Биылғы ұйымдастырылып отырған «Сұңқар Кубогы – 2017» КВН ойындарының жүлдесі де жастардың жігерін жанып, оларға керемет көңіл-күй сыйлады. Бас жүлдеге тігілген 200 000 теңгені қанжығасына байлаған Филология және әлем тілдерің факультетінің «Филфак» құрамасы болды. Ал жүлделі ІІ орынды Механика-математика факультетінің «Мех-мат» құрамасы иелене отырып, Астанаға саяхттауға жолдама алса, ІІІ орынмен Ыстықкөлге демалып қайтуға жолдаманы Шығыстану факультетінің «Класстастар» құрамасы жеңіп алды. 
Сый мұнымен біткен жоқ. Ең үздік ойыншы атанған қос ойыншыға Түркияның Анталия қаласына демалып қайтуға тағы да жолдама тігілген. Аталған екі жолдаманы Филология және әлем тілдері факультетінің капитаны – Арьятов Қайрат пен «Мех-мат» құрамасының ойыншысы Белібаев Нарық иеленді. 

"Сұңқар" кәсіподағының төрағасы – Шұғыла Бүрлібаева

Үздік ойыншы – Белібаев Нарық

Үздік ойыншы – Арьятов Қайрат 

Бас жүлдені иеленген "Филфак" құрамасының қобалжу сәті...

"Сұңқар Кубогы - 2017"

Марапаттау рәсімі