Қазақстандық теннисші Зарина Диас бүгін байрағын желбіреткен «Үлкен дулыға» санатындағы «Уимблдон» додасын жеңіспен бастады. Отандасымыз бірінші айналымда италиялық Флавия Пенеттаны жеңді.
Бірінші сетте Зарина Диас қарсыласынан 6:3 есебімен басым түсті. Алайда екінші сетте Флавия Пенетта сәтті өнер көрсетіп, 2:6 есебімен жеңіп шықты. Шешуші сетте қазақстандық теннисші италиялықты 6:4 есебімен ұтты. Теннисшілер кортта 1 сағат 46 минут өнер көрсетті.
Кездесу статистикасы
Зарина Диас екінші кезеңде Чжу Линь (Қытай) - Александра Соснович (Беларусь) арасындағы кездесуде жеңіске жеткен теннисшімен кездеседі.
Айта кетейік, Қазақстанның бірінші ракеткасы соңғы жаңарған WTA рейтингінде 34-ші орнын сақтап қалған-ды. Ал италиялық теннисші отандасымыздан сегіз сатыға жоғары болатын.