Юлия Путинцева Осакадағы турнирдің финалында жеңіліп қалды

Фото: Қазақстан теннис федерациясының баспасөз қызметі

16 қыркүйек 2023, 17:05

Қазақстанның екінші ракеткасы Юлия Путинцева жұптық сында Осакадағы (Жапония) турнирдің финалында ойнады, - деп хабарлайды Massaget.kz тілшісі.

Бүгін қазақстандық теннисші ресейлік Анна Калинскаямен бірге финалдағы матчын өткізді. Олар украиналық-германиялық жұп Надежда Киченок пен Анна-Лена Фридзаммен кездесті.

Қазақстандық-ресейлік жұп қарсыластарынан 6:7(3:7), 3:6 есебімен ұтылды.

Осылайша, қазақстандық теннисші жеңіске таяқ тастам жер қалғанда сүрінді.

Қазақстандық-ресейлік жұп матч кезінде екі қос қателікке жол беріп, бірде-бір эйс жасай алмады. Ал олардың қарсыласы бір эйсті орындап, екі қос қателік жасады.

Аптаның басты оқиғалары мен пайдалы видеоларды көру үшін YouTube арнамызға жазылыңыз

М. Лұқпан