Украиналық кәсіпқой боксшы Василий Ломаченко жеңіл салмақта WBA чемпиондық атағын жеңіп алды. Нью-Йоркте өткен бокс кешінде ол венесуэлалық боксшы Хорхе Линаресті (44-3, 27 КО)жеңді. Жекпе-жек Нью-Йорктегі Madison Square Garden аренасында өтті. Украиналық боксшы қарсыласын 10 раундта нокаутқа түсіріп, жеңіске жетті. Василий Ломаченко 6 раундта нокдаун алғанмен, жылдам есін жия білді. Айта кетейік, украиналық екі бірдей салмақта чемпиондық атаққа ие болған боксшы атанды. Ол екінші жартылай жеңіл салмақта WBO чемпиондық белбеуіне ие. Сондай-ақ ол 2014-2016 жылдар аралығында жартылай жеңіл салмақта WBO чемпионы болған. 12 жекпе-жекте осындай атаққа қол жеткізген бірден-бір боксшы.