Бокстан Таиландта өтіп жатқан Азия чемпионатында үшінші боксшымыз чемпион атанды, - деп хабарлайды msports.kz сайты.
70 келіге дейінгі салмақта Наталья Богданова топ жарды. Ол финалда тай боксшысы Байсон Маниконға мықтылығын мойындатты.
Наталья 2022 жылы Азия чемпионатында қола алған.
Қазақстан құрамасында қазір 3 алтын, 6 қола медаль бар. Алда тағы екі боксшымыз шаршы алаңға шығады. Бұған дейін Виктория Графеева мен Аида Әбікеева чемпион болды.
О. Сансызбай