Бүгін, 16 желтоқсанда Ньон қаласында Ұлттар лигасы-2022/23 кезеңінің жеребе тарту рәсімі өтті.
Ұлттар лигасына 55 қауымдастықтың ұлттық құрамалары қатысады, олар төрт лигаға бөлінген.
Қазақстан С дивизионында қалатын болса, 3-топта Словакия, Беларусь және Әзірбайжанмен кездеседі. Егер қазақстандықтар D дивизионына түсіп қалса, 1-квартетте Лихтенштейн, Андорра және Латвиямен ойнайды.
А лигасы
A1: Франция, Дания, Хорватия, Австрия.
A2: Испания, Португалия, Швейцария, Чехия.
A3: Италия, Германия, Англия, Венгрия.
A4: Бельгия, Нидерланды, Польша, Уэльс.
В лигасы
B1: Украина, Шотландия, Ирландия, Армения.
В2: Исландия, Ресей, Израиль, Албания.
В3: Босния және Герцеговина, Финляндия, Румыния, Черногория.
B4: Швеция, Норвегия, Сербия, Словения.
С лигасы
С1: Фарер аралдары, Литва, Люксембург, Түркия.
С2: Кипр / Эстония, Косово, Греция, Солтүстік Ирландия.
С3: ҚАЗАҚСТАН / Молдова, Әзірбайжан, Беларусь, Словакия.
С4: Гибралтар, Грузия, Солтүстік Македония, Болгария.
D лигасы
D1: Лихтенштейн, Андорра, ҚАЗАҚСТАН / Молдова, Латвия.
D2: Сан-Марино, Кипр / Эстония, Мальта.
С немесе D лигасы (плей-офф ойындарының нәтижелері бойынша анықталады): Қазақстан, Кипр, Эстония, Молдова.
Топтық кезең аясында командалар 2022 жылдың маусым және қыркүйек айларында қарсыластарына қарсы ойнайды. 2022 жылғы әлем чемпионатының қыста өтуіне байланысты Ұлттар лигасының алты турының төртеуі маусым айында өтеді.
А лигасының төрт тобының жеңімпаздары 2023 жылдың маусымына жоспарланған Ұлттар лигасының финалдық кезеңіне өтеді. В, С және D лигаларындағы топ жеңімпаздары лигаға көтеріледі. А және В лигаларындағы топтардың соңғы орындары төменгі лигаға түседі.