УЕФА Чемпиондар лигасы үшінші іріктеу кезеңінің барлық жұптары анықталды. Астана футбол клубы Данияның Мидтьюлланд командасына қарсы қарымта кездесуде тең ойнап, екі ойын нәтижесінде 1 доп айырмашылығымен басым түсіп, Чемпиондар лигасының үшінші іріктеу кезеңіне шықты. Хернинг қаласында өткен ойын 0:0 есебімен аяқталды. Ойыншылар гол соғып, көзге түскен жоқ. Естеріңізде болса Астана өз алаңында өткен алғашқы ойында Мидтьюлландты 2:1 есебімен ұтқан болатын. Ол ойында елордалық ұжым сапында Ласло Кляйнхайслер дубль жасаса, дат командасы қатарынан Густав Викхейм бір голды еншісіне жазған-ды. Астана үшінші іріктеу кезеңіне шығу арқылы жарты миллиард теңгені қанжығасына байлады.ЕЧЛ үшінші іріктеу раундының жұптары: Астана (Қазақстан) - Динамо (Хорватия)Селтик (Шотландия) - АЕК (Грекия)Зальцбург (Аустрия) - Шкендия (Македония)Црвена Звезда (Сербия) - Спартак(Словакия)Карабах (Әзербайжан) - БАТЭ (Беларусь)Мальме (Швеция) - МОЛ Види (Мажарстан)Стандард (Бельгия) - Аякс (Голландия)Бенфика (Португалия) - Фенербахче (Түркия)Славия (Чехия) - Динамо (Украина)ПАОК (Грекия) - Спартак (Ресей).