American Top Team жаттығу залының бразилиялық бапкері Маркос Паррумпа Жалғас Жұмағұловтың UFC ұйымындағы соңғы айқасында қазылық еткен төрешілерді сынап тастады. Оның айтуынша, төрешілер Жұмағұловтан жеңісті тағы тартып алған, - деп хабарлайды Vesti.kz тілшісі.
Айта кетейік, Жұмағұлов Fight Night 215 турнирінде америкалық Чарльз Джонсонмен (12-3) кездесті. Жекпе-жек Лас-Вегас (Невада штаты, АҚШ) қаласында өтіп, төрешілер шешімі бойынша айқас Джонсонның пайдасына аяқталған болатын.
"Төрешілер мұны тағы қайталады. Жұмағұловтың екінші жекпе-жегіндегі жеңісін тартып алды", - деп жазды Паррумпа әлеуметтік желіде.
Еске салайық, Лас-Вегас (Невада штаты, АҚШ) қаласында өткен UFC Fight Night 215 турнирінде Жұмағұлов төрешілер шешімі бойынша америкалық Чарльз Джонсоннан (12-3) жеңілді. Бұл отандасымыздың UFC ұйымындағы бесінші жеңілісі. Осы жекпе-жектен кейін Жалғас карьерасын аяқтайтынын хабарлады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!