Таеквондодан лицензиялық турнирге қатысатын Қазақстан құрамасы анықталды

15-16 наурыз аралығында Тайань қаласында (Қытай) таеквондодан Азия іріктеу турнирі өтеді, – деп хабарлайды Olympic.kz. 

Қазақстан атынан төмендегі спортшылар сынға түседі: 

57 келі: Мария Севостьянова
+67 келі: Жансель Дениз
58 келі: Самирхон Абабакиров 
80 келі: Батырхан Төлеуғали

Таеквондодан Олимпиада бағдарламасына сегіз салмақ дәрежесі енген. Алайда әр команда тек төрт салмақта ғана спортшылар қоса алады. 

Айта кетсек, әзірге Қазақстан құрамасының қоржынында спорттың 8 түрі бойынша 19 жолдама бар. Спортшыларымыз садақ атудан — 4, тас жолдағы велоспорттан — 3, нысана көздеуден — 5, қазіргі бессайыстан — 2, бокстан — 2, грек-рим күресінен — 1, еркін күрестен — 1, спорттық гимнастикадан — 1 жолдама жеңіп алған.

Қызықты жаңалықтар мен видеоларды көру үшін TikTok арнамызға жазылыңыз!