"Барселона" командасының шабуылшысы Луис Суарес келе жатқан Жаңа жыл мерекесіне орай кішкентай отандастарына арнап сыйлық жасады. Футболшы Монтевидео ауруханасында емделіп жатқан кішкентай балаларға 500-ден астам жаңажылдық сыйлық тарту етті.
Уругвайлық футболшы әр сыйлықтың сыртына: "сізге және сіздің жақындарыңызға жаңа 2015 жыл жаңа бақыт алып келсін! Луис Суарес және оның отбасы", - деп жаздырған көрінеді.
Уругвайлық "El Observador" басылымының жазуы бойынша, Суарас емделуші балаларға сыйлықтарды табыстауды Санта-Клаусқа сеніп тапсырған екен.
Бұл - футболшының кішкентай балаларға деген риясыз көңілі болса керек.
Сурет: sentragoal.gr
Н. Айдархан