Су добынан Қазақстан ерлер құрамасы ел қоржынына 15-ші алтын медальды салды. Финалда отандастарымыз Жапония құрамасын ұтты. Тартысқа толы өткен ойында Қазақстан құрамасы қарсыластарынан 8:7 есебімен басым болды. 3:7 есебімен жеңіліп тұрып, жеңіске бастар жолды тапты. Қазақстандық су добы спортының шеберлері Азия ойындарында үшінші рет қатарынан топ жарып отыр. Қазіргі таңда Қазақстан құрамасы 15 алтын 17 күміс 43 қола медальмен жалпы есепте 9-орында келеді.