Әйелдер теннис қауымдастығы (WTA) жекелей және жұптық сындағы жаңартылған рейтингті жариялады, - деп хабарлайды Massaget.kz тілшісі.
Қазақстанның бірінші ракеткасы Елена Рыбакина Australian Open-2026 турниріндегі жеңісінен кейін рейтингте 5-орыннан 3-орынға көтерілді. Ол Мельбурнде чемпион атанып, Қазақстан атынан бұл турнирдің титулын жеңіп алған тұңғыш теннисші ретінде тарихқа енді.
Әлемдік рейтингтің алғашқы екі орнын бұрынғыша Арина Соболенко мен Ига Швёнтек сақтап қалды.
Еске салайық, бұған дейін Елена Рыбакина Australian Open финалында әлемнің бірінші ракеткасын жеңді.
Аптаның басты оқиғалары мен пайдалы видеоларды көру үшін YouTube арнамызға жазылыңыз