Рыбакина қатарынан 11-рет жеңіске жетіп, Miami Open турнирінің ширек финалына өтті

Қазақстанның бірінші, дүниежүзінің 7-ракеткасы Елена Рыбакина Miami Open турнирінің 1/8 финалында жеңіске жетті, - деп хабарлайды Massaget.kz тілшісі.

Елена Рыбакина дүниежүзінің 39-ракеткасы, бельгиялық теннисші Элизе Мертенспен ойнады. Матч 1 сағат 46 минутқа созылды.

Қазақстандық теннисші 6:4, 6:3 есебімен жеңіске жетіп, турнирдің ширек финалына өтті. Айта кетейік, бұл - Елена Рыбакинаның қатарынан 11-жеңісі.

Енді ол турнирдің келесі кезеңінде дүниежүзінің 25-ракеткасы, италиялық теннисші Мартина Тревизанмен ойнайды.

1⃣1⃣ wins in a row and counting... ?

No.10 seed Elena Rybakina extends her winning streak and moves into the last eight in Miami for the first time! #MiamiOpen pic.twitter.com/bE7lvkPUKa

— wta (@WTA) March 27, 2023

Еске салайық, бұған дейін Елена Рыбакина қазақстандық жас теннисшілерге қаржылай қолдау көрсеткенін хабарлаған едік. Ол 2022 жылғы "Уимблдон" турниріндегі жеңісінен кейін сыйақы қаржысының бір бөлігін қайырымдылыққа және Қазақстандағы жастарды қолдауға жұмсайтынына уәде берген. Елена Рыбакина сол уәдесінде тұрып, қазақстандық жас теннисшілерге 2,5 миллион теңгеден сыйлады.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!