Теннистен Қазақстан әйелдер құрамасының көшбасшысы Елена Рыбакина Мельбурнде (Аустралия) өтіп жатқан Australian Open-2026 халықаралық турнирінің жартылай финалына жолдама алды, - деп хабарлайды Massaget.kz тілшісі ҰОК-қа сілтеме жасап.
Ширек финалда қазақстандық теннисші польшалық Ига Швёнтекпен кездесті. Нәтижесінде Елена Рыбакина әлемнің екінші ракеткасын 7:5, 6:1 есебімен тізе бүктірді.
Жартылай финалда Елена Рыбакина Джессика Пегула (АҚШ) және Аманда Анисимова (АҚШ) арасындағы кездесудің жеңімпазымен ойнайды.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова