"Руы – Әлім". Қазақ қызы Өзбекстан құрамасына тарихи Олимпиада жолдамасын сыйлады

Фото: @xabar.uz

22 сәуір 2024, 14:44

Бішкекте күрес түрлерінен Олимпиаданың Азия аймақтық іріктеу жарысы аяқталды. Өзбекстан құрамасы әйелдер арасында алғаш рет Олимпиада жолдамасына қол жеткізді. Тарихи лицензияны қандас қазақ қызы Ақтеңге Кеунимжаева (-50 кило) жеңіп алды.

Балуан қыз белгілі спорт журналисі Телжан Күдеровке берген сұхбатында қазақ екенін айтып, руын да жасырмаған.

Қазақ боламын. Руым – Әлім. Өзбекстанда туғанмын. Күреспен шұғылданып келе жатқаныма 10 жыл болды, - дейді Ақтеңге.

Айта кетейік, Бішкекте өткен лицензиялық жарыста қазақстандық балуан қыздар жолдама иелене алмады.

Аптаның басты оқиғалары мен пайдалы видеоларды көру үшін YouTube арнамызға жазылыңыз

О. Сансызбай