Роналду "МЮ-ден" кете ме?

Бұл жаңалықтың кезекті қауесет болып қалуы үшін ойыншыға осы аптаның басында Каррингтонға келіп, командалық жаттығуларға қатыса бастауы жеткілікті еді. Бірақ Роналду "отбасылық себептерге" байланысты Португалияда қалып, жаттығуға қатыса алмайтынын айтқан болатын.

Маусым айының соңында Роналдуды "Баварияға" шақырғаны және оның агенті Мендеш "Челси" және "Барселона" жетекшілерімен кездесулер өткізіп жатқаны туралы ақпарат тарады.

© AFP

Роналду неліктен кеткісі келеді?

Ағылшынның әйгілі The Athletic басылымы да осы мәселеге қатысты шыққан сенімді ақпарат негізінде жағдайды талдауға тырысты.

Бәрі түсінікті. Сөзсіз, Роналду "Манчестер Юнайтедті" жақсы көреді және клуб туралы жылы естеліктері бар. Бірақ ол командада екінші жыл қалса, Чемпиондар лигасында ойнай алмайды. Егер ол қалатын болса, мансабында бірінші рет Чемпиондар лигасында ойнамайды. Криштиану осы уақытқа дейін турнирді 5 рет жеңіп, Еуропадағы ең үздік көрсеткішке ие болды. Бірақ оның "Реалдағы" бұрынғы бірқатар әріптестері жүлдені бесінші рет жеңіп алған кезде, әрине, 37 жастағы ойыншы бұл жүлдені тағы бір рет жеңуді қалайды.

Жақын арада мансабын аяқтайтын Роналду мүмкіндігінше көп жүлде ұтып алғысы келеді, ал Юнайтед өткен маусымда ешбір турнирде жеңіс үшін шындап күресе алмады. Эрик тен Хагтың "Манчестерге" келуі ойыншыға жағымды әсер мен сенімділік ұялатқаны сөзсіз, бірақ клубтың трансферлік нарықта белсенді еместігі және бірқатар мақсаттардың әлі де ресми түрде шешілмеуі оның ойын өзгерткені айтылып жатыр.

"Манчестер Сити" Холаннмен, ал "Ливерпуль" Нуньеспен ресми келісім-шартқа отырды. "Тоттенхэм" осы жазда өте белсенді, Контенің тілектері орындалып жатыр. Осыған қарамастан, Роналду бәсекелестерінен әлдеқайда артта келе жатқан "Манчестер Юнайтедке" бірнеше үздік ойыншылар қажет екенін айтып келеді. Клуб бір айдан астам уақыт бойы Френки де Йонг бойынша прогреске қол жеткізе алмады. Оның орнына "ешкімге керек емес" Эриксенмен келісімшартқа отырды.

© championat.com

Клуб Роналдуды сатқысы келе ме?

"Юнайтедтің" Роналду туралы шешімі – тек сатылмайды ғана. Келісімшарт бойынша оған тағы бір жыл ойнау керек. Жаңа бапкер Эрик тен Хаг Роналдумен жұмыс істеуге ниетті екенін айтты, ал Роналдудың өзі нидерландық бапкер туралы жылы лебіздерін білдірді.

"Мен Эриктің "Аякста" керемет нәтижелерге қол жеткізгенін білемін. Ол тәжірибелі маман және оған жеткілікті уақыт беру керек. Сонда ғана өзі айтқандай, бәрі жақсы жаққа өзгереді», - деді португалдық шабуылшы сұхбаттарының бірінде.

Айта кетейік, Роналдуды сату идеясы клуб үшін жаңалық емес, мүмкін бұл идеяны қолдаушылар бар. Біріншіден, Ральф Рангниктің қыста бірнеше рет Роналдуды сатып, орнынын жас шабуылшымен ауыстыруды сұрағаны белгілі, бірақ бұл өтініш ескерілмеді. Екіншіден, стилі Роналдуға сәйкес келмейтін Эрик тен Хагтың келуі кеңінен талқыланып, нидерланд бапкері алғашқы сұхбаттарында Роналдумен жұмыс істеуге дайын екенін айтқан кезде көпшілік таң қалды.

Бір жағынан, жаңадан құрылған командада Роналдудың болуы пайдалы екені сөзсіз, бірақ бәрі ойлағандай болса, әрқашан өз эгосын жоғары қойған жұлдызды басқару қиынырақ болатынын ескеру керек. Сонымен қатар, АПЛ-дағы ең жоғары жалақы алатын ойыншының кетуі клубқа қаржылық жағынан тиімді болады.

Роналдудың қазіргі әрекеті Фергюсонның "ойыншы клубтан үлкен болмауы керек" деген дәстүріне қайшы келетінін айтатындар бар. Бірақ жағдайды терең білмей, мұндай үлкен әңгімеден аулақ болу керек.

Естеріңізде болса, 2011 жылы Уэйн Руни клуб үздік ойыншыларды әкелмейтінін айтып, "Челсиге" ауысқысы келетінін айтып, жаңа келісімшарттан бас тартқан болатын. Сол кезде Алекс Фергюсон Уэйнді түсініп, ақыры ойыншымен сөйлесіп, оны командада қалуға көндірді, содан кейін Робин ван Перси мен Синдзи Кагава сияқты ойыншылар клуб сапына қосылды.

© Global Look Press

Роналдуға қай клубтар қызығушылық танытып жатыр?

Роналду бұрынғыдай ойыншы емес, бірақ ол айып алаңында бәрібір қауіпті. Өткен маусымда ол 38 ойында 24 гол соғып, "Юнайтедтің" үздік бомбардирі атанды. 38 жастағы шабуылшы үшін бұл жаман көрсеткіш емес. Салыстырып айтатын болсақ, өткен маусымда Премьер-лигада Салах пен Сон ғана одан көбірек гол соқты.

Бұл ретте Роналдудың әлі де жарақаттан аулақ екенін айта кеткен жөн. Transfermarkt мәліметі бойынша, футболшы кейінгі екі маусымда әртүрлі жеңіл жарақаттардың салдарынан бар болғаны 19 күн алаңға шықпаған.

"Челси"

Өткен айда "Челсидің" жаңа қожайыны Тодд Боули Хорхе Мендешпен кездесті. Тараптар арасында Роналдудың "Челсиге" ауысуы да айтылды. Ромелу Лукакуды "Интерге" бір жылға жалға берген «Челси» бұл мүмкіндікті пайдалана ма, жоқ па, белгісіз.

"Бавария"

"Бавария" өзінің жетекші шабуылшысы Роберт Левандовскиді сақтап қалуға тырысады, бірақ "Барселонаға" сатуы да мүмкін.

Егер олар Левандовски клубтан кетсе, үздік шабуылшы қажет. Сонда ғана бұл кемшіліктің орнын Роналду толтыра алады.

"Реал"

Роналдудың корольдік клубқа оралуы бекер. Өйткені, кейбір мәліметтерге қарағанда, мадридтіктер Криштің Винисиус, Родриго және Бензема сынды ойыншыларға кері әсер етуі мүмкін деп алаңдайды.

ПСЖ

Маурисио Почеттиноны "қуған" ПСЖ жаңа үміткер ретінде шығуы мүмкін. Бұл трансфер шындықтан алыс болып көрінгенімен, елестетіп көріңізші, Катарда өтетін әлем чемпионаты алдында Роналду мен Месси жұбының алаңдағы шоуы керемет емес пе?