Роналду жасыл алаңдағы жағымсыз қылығы үшін жазаланбақ

Португалия ұлттық құрамасы мен "Әл-Наср" командасының шабуылшысы Криштиану Роналду 2 ойынға шеттетілуі мүмкін. Футболшы "Әл-Шабаб" командасына қарсы ойында "Месси, Месси" деп айқайлаған жанкүйерлерге жағымсыз қылық көрсеткен еді. 

39 жастағы шабуылшының жанкүйерлерге көрсеткен әрекеті қызу талқыланып, көп сынға ұшыраған. Сауд Арабиясы футбол федерациясының тәртіптік бақылау комитеті ойыншыны 2 ойынға шеттетуі мүмкін. 

Al-Shabab fans chanting: "Messi, Messi"

Ronaldo:pic.twitter.com/wW9WjS7x0E

— Troll Football (@TrollFootball) February 25, 2024

Роналду бұған дейін де жергілікті халықтың таным-түсінігіне қарама қайшы қылықтарымен көзге түскен еді. Ешқандай жазаға тартылмаған болатын. Бұл жолы танымал футболшыны жазасыз қалдыруы екіталай. 

Роналду осы маусымда 20 ойынға қатысып, 22 гол соқты, 9 нәтижелі пас берді. Клубтар арасындағы араб чемпионатында 4 гол, Азия чемпиондар лигасында 5 гол соқты.