"Ролан Гаррос" турнирінен тағы бір қазақстандық теннисші шығып қалды

Қазақстандық теннисші Юлия Путинцева Франция астанасы Парижде өтіп жатқан "Ролан Гаррос" турнирінің үшінші айналымында ойнады, - деп хабарлайды Massaget.kz тілшісі.

WTA рейтингінде 58-орында тұрған қазақстандық теннисшінің қарсыласы америкалық Слоан Стивенс (30-орын) болды. Бірінші сетте америкалық 6:3 есебімен басым түсті, ал екінші сетте Юлия Путинцева 6:3 есебімен жеңіске жетті.

Шешуші сетте қазақстандық 2:6 жеңіліп қалды. Осы сетте Юлия Путинцева жарақатына байланысты медициналық үзіліс те алды.

Матч 2 сағат 23 минутқа созылды.

Юлия Путинцева ойын кезінде бір эйс және екі қос қателік жасады. Сонымен бірге бес ұпай мен бес геймді қатар жеңді.

Айта кетейік, Слоан Стивенс US Open – 2017 жеңімпазы.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!