Дэвид Алаба Реал Мадридтің жаңа ойыншысы ретінде таныстырылды. Іс-шара "Реал Мадридте" өтіп, футболшының үздік кадрларын көрсететін бейнематериалмен басталды.
Енді экс-Бавария ойыншысы 4 нөмірлі жейдемен жасыл алаңға шығады. Бұл нөмір Реал капитаны, биылғы маусымда ПСЖ-ға ауысқан Ромастың нөмірі болғанын айта кеткен жөн.
Таныстырылым кезінде клуб президенті Перес:
"Біз Чемпиондар лигасының 13 титулына ие клубпыз. Осы сәтті пайдаланып жанкүйерлерге алғыс айтамын. Футбол оларсыз мүлдем басқаша. Мен Мадридті таңдағаныңыз үшін алғыс айтқым келеді. Сіз бізге әлемдегі ең ұлы клубтардың бірі, дос клубтан келдіңіз. Дэвид – сен "Баварияның" керемет аңыздарының бірісің. Сен Мадридке футбол әлеміндегі ең жоғары құрметпен жеттің. Енді сені "Реалмен" жеңіске жету және біздің клубтың тарихына ену жолы күтіп тұр", - деді клуб президенті.
Давид Алаба болса, "Реал Мадридке" ауысқанына қуанышты екенін жеткізді.
"Бәріне сәлем, жылы қабылдағаны үшін сізге көп рахмет. Бұл менің мансабымдағы тамаша күн және осы клубтың жейдесін кигеніме қуаныштымын және мақтанамын. Біз бірге үлкен жетістікке жетеміз деп үміттенемін. "Реал Мадридте" 4 саны көшбасшылықты, күш пен тілекті білдіреді. Осы нөмірді алғанымды үлкен мәртебе санаймын. Мен мұнда адам ретінде және ойыншы ретінде өсу үшін келдім", - деді футболшы.
Давид Алаба "Бавария" сапында 12 маусым өткізіп, 10 дүркін ел чемпионы болған. 2 рет Чемпиондар Лигасын жеңген. 33 гол соққан. 7 рет Австрияның үздік ойыншысы атанған. УЕФА жыл командасына 3 рет (2013, 2014, 2015) және Германия ұлттық чемпионатының символдық құрамына 2 рет (2014/15, 2015/16) енген.