Парижде өтетін Олимпиада тізімінен карате және тағы екі спорт түрі шығарылды
![Парижде өтетін Олимпиада тізімінен карате және тағы екі спорт түрі шығарылды](/userdata/news/news_65920/image_l.jpg)
Парижде өтетін 2024 жылғы Олимпиаданы ұйымдастыру комитеті турнирдің спорт түрлерінің тізімін жариялады.
Каратэ, бейсбол және софтбол ойындары тізімнен алынып тасталды. Сонымен бірге, бағдарламаға тағы бір жаңа спорт түрі брейк-данс қосылды. Халықаралық Олимпиада комитеті іс-шараның бағдарламасын, спортшыларға сәйкес квоталарды және Париж 2024 Олимпиада ойындарына жаңа спорт түрлерінің интеграциясын растады. Ұйымдастыру комитеті бағдарламаның түпкілікті белгіленгенін және оны өзгертуге болмайтынын айтты.
Дүниежүзілік каратэ федерациясының президенті Антонио Эспиноса бұл спорт түрі Олимпиада ойындарына тұрақты түрде оралуы керек екенін айтты.
"Біз әлемге каратэнің бірегей спорт екенін көрсеттік. Ол арнайы спорттық дайындық пен арнайы техниканы қажет етеді", - деді Эспиноса.
Айта кету керек, 2024 жылы 26 шілдеде Париж үшінші рет Олимпиада ойындарын салтанатты түрде өткізеді. Франция астанасында Олимпиада 1900 және 1924 жылдары өткен. Сонымен қатар, Франция қысқы ойындарды үш рет ұйымдастырды (Шамони-1924, Гренобль-1968 және Альбервиль-1992).
Еске салайық, каратэ алғаш рет 2020 жылы Токиода өтетін Олимпиада ойындарында ұсынылған болатын. Қазақстандық каратэшілер Дархан Асәділов пен Софья Берулцева қола медаль алды. Олардың жүлдесі Қазақстан каратэ спорт тарихындағы Олимпиададан алған алғашқы жүлде еді.
Т. Раушанұлы