Футболдан Бірінші лига ойындарындағы ХХХІ тур қорытындысы бойынша Оқжетпес пен Тараз командалары премьер-лигаға оралды. Өткен маусымда екі команда премьер-лигада соңғы орындарға тұрақтап, бірінші лигаға түсіп қалған еді. Биыл қайта оралды. ХХХІ турда көкшетаулық команда Шымкентте Қыранмен кездесті. Аса тартысқа толы өткен кездесуде тең нәтижеге қол жеткізді. Ойын 3:3 есебімен аяқталды. Нәтижесінде алғаш болып жолдаманы жеңіп алды. Тараз футбол клубы өз алаңында Ақтөбе-Жас командасын 4:0 есебімен ұтты. Премьер-лигаға жолдаманы иеленіп, көш басындағы Оқжетпеспен арадағы ұпай санын қысқартты. Бірінші лиганың аяқталуына екі тур қалды. Оқжетпесте - 68, Таразда 66 ұпай бар. Чемпион атанған команда соңғы екі ойында анықталады. Сондай-ақ үшінші орын мен қосымша жолдама үшін Қыран мен Алтай талас жүргізеді.