Халықаралық гимнастика федерациясы Словенияның Копер қаласында өтетін Challenge Cup-қа қатысатын құрамалардың алдын ала тізімін жариялады, - деп хабарлайды Massaget.kz тілшісі ҰОК-қа сілтеме жасап.
Ресми мәліметке сәйкес Қазақстан құрамасы сапынан бұл жарыста төрт гимнаст өнер көрсетеді:
- Нариман Құрбанов (ат снарядындағы жаттығулар);
- Нұртан Идрисов (ат снарядындағы жаттығулар);
- Асан Сәлімов (еркін жаттығу, қол тіреп секіру, қоссырық және кермедегі жаттығулар);
- Роман Маменов (еркін жаттығу, қол тіреп секіру, сақина және қоссырықтағы жаттығулар).
Айта кетейік, Словениядағы халықаралық турнир 28-31 мамыр аралығында өтеді.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова