Англиялық "Ливерпульдің" шабуылшысы Мохамед Салах жазғы трансфер кезеңінде мадридтік "Реалға" ауысуы мүмкін, - деп хабарлайды РИА Новости.
The Sun басылымының мәліметінше, "Бенфика" шабуылшысы Дарвин Нуньес "Ливерпульге" ауысқаннан кейін мерсисайдтықтар қазіргі келісімшартының соңғы жылын аяқтап жатқан Салахпен 70 миллион еуроға қоштасуға дайын. Мысырлық ойыншыға басты үміткер - мадридтік "Реал".
Бұған дейін "Ливерпуль" сапынан сенегалдық шабуылшы Садио Мане кеткен еді, ол германиялық "Бавариямен" келісімшарт жасасқан болатын.
Салах өткен маусымдағы барлық турнирде 51 матч өткізіп, 31 гол мен 15 нәтижелі пастың авторы атанған.