Михаил Шайдоров Golden Spin турнирінде күміс жүлде жеңіп алды

Фото: olympic.kz

08 желтоқсан 2023, 22:22

Мәнерлеп сырғанаудан Хорватия астанасы Загребте өткен ISU Challenger санатындағы Golden Spin турнирінде қазақстандық Михаил Шайдоров күміс жүлдегер атанды, - деп хабарлайды Massaget.kz тілшісі olympic.kz-ке сілтеме жасап.

Шайдоров қос бағдарлама қорытындысы бойынша 235,29 ұпай жинап, күміс жүлдеге қол жеткізді.

Алтын медальді әлем чемпионатының жүлдегері, қытайлық Цзинь Боян иеленген. Оның қорытынды ұпайы - 258,67.

Үздік үштікті эстониялық Александр Селевко тұйықтады - 224,24 ұпай.

Айта кетейік, Михаил Шайдоров жақында өткен Гран-при турнирінде қола медаль жеңіп алған болатын.

Өзекті жаңалықтарды өз уақытында оқу үшін Facebook парақшамызға жазылыңыз!

М. Лұқпан