Месси жаңа командасындағы үшінші ойында да гол соқты
Аргентиналық шабуылшы Лионель Месси "Интер Майами" сапындағы үшінші ойында да гол соғып, жанкүйерлерін қуантты. Футболшы ойында бір емес, екі голды өз еншісіне жазды.
Форт-Лодердейлдегі (АҚШ) алаңда "Интер Майами" Лига кубогың 1/16 финалында "Орландо Ситиді" 3:1 есебімен ұтты. Месси 7-ші және 71-минутта гол соғып, көзге түсті. Бір голды 51-минутта Хосеф Мартинес пенальтиден сәтті орындады. "Орландо Сити" сапынан Сесар Араухо гол соқты.
Месси жаңа командасы сапында 3 ойынға қатысып, 5 гол соғып үлгерді. Сондай-ақ бір нәтижелі пас берді.
Айта кетейік, бүгінгі ойында "Интер Майами" сапында Мессидің "Барселонадағы" командаласы Жорди Альба да алаңға шықты. Бұл оның америкалық клуб сапындағы алғашқы ойыны болды.
Спорттық эмоциялардың бас демеушісі 1XBET компаниясы барлық жаңа пайдаланушыларға 200 000 дейін сыйлайды! Өзіңе ұнайтын спорттық іс-шараларды қара және фавориттеріңмен бірге жеңіске жет! Толық ақпарат 1XBET.KZ сайтында және қосымшасында!