Мария Дмитренко Олимпиада чемпионы мен жүлдегерінен озып, Әлем кубогында "алтын" жеңіп алды

Фото: Туризм және спорт министрлігінің баспасөз қызметі

28 қаңтар 2024, 11:14

Каирде (Египет) стенд атудан өтіп жатқан әлем кубогының кезеңінде "Трап" бағдарламасы бойынша сынға түскен Мария Дмитренко топ жарды, - деп хабарлайды Massaget.kz тілшісі Туризм және спорт министрлігінің баспасөз қызметіне сілтеме жасап.

Алтын жүлде үшін өткен тартысты сайыста 35 жастағы отандасымыз Токио Олимпиадасының чемпионы, екі дүркін әлем чемпионы Фатима Галвез және Токио Олимпиадасының екі мәрте жүлдегері Алессандра Периллиден озды.

Мария Дмитренко — 40 ұпай;
Фатима Галвез — 39 ұпай;
Алессандра Перилли — 32 ұпай.

Мария Дмитренко бұған дейін Әлем кубогында бір алтын (2023), екі күміс (2021, 2023), үш қола (2021, 2022) медаль жеңіп алған.

Өзекті жаңалықтарды өз уақытында оқу үшін Facebook парақшамызға жазылыңыз!

М. Лұқпан