Махмұд Сабырхан финалда өзбек боксшысын нокдаунмен жеңді

14 мамыр 2023, 18:36

Қазақ боксшысы Махмұд Сабырхан Ташкентте өтіп жатқан әлем чемпионатында топ жарды. Отандасымыз финалда өзбек боксшысы Ойбек Джураевты айқын жеңді.

54 килоға дейінгі салмақтағы финалда Махмұд жарқын жекпе-жек өткізді. Үшінші раундта қарсыласын екі рет нокдаунға да түсірді. Нәтижесінде төрешілердің бірауыздан шешімімен жеңіске жетті.

Махмұд Сабырхан 2023 жылғы Азия чемпионы болатын, енді оған әлем чемпионы атағын қосты. 2021 жылы әлем чемпионатында күміс алған еді.

Айта кетейік, бұған дейін 48 килоға дейінгі салмақта Санжар Тәшкенбай әлем чемпионы атанған болатын.

О. Сансызбай