Бірінші орта салмақта жұдырықтасатын қазақстандық кәсіпқой боксшыМадияр ӘшкеевНью-Йорктегі Madison Square Garden аренасында өтіп жатқан бокс кешінде доминикандық боксшыХосе Антонио Абреудітехникалық нокаутпен жеңді. Жекпе-жек 1 минут 52 секундқа ғана созылды. Мадиярдың жойқын соққысынан кейін америкалық боксшы бір тезірлеп барып, қайта тұрды. Қайта тұрғанмен, жағдайының ауыр екенін байқаған төреші жекпе-жекті тоқтатты. Мадияр Әшкеев кәсіпқой бокстағы 9-шы жеңісіне қол жеткізді. Ешбір кездесуінде жеңілмеген. Боксшы танымал менеджерЭгис Климаспенбірге жұмыс жасайды. Ол танымал боксшылардың талайымен келісімшарттағы менеджер. Эгис Климаспен келісімдеСергей Ковалев(31-2-1, 27 КО),Василий Ломаченко(10-1, 8 КО),Александр Усик(14-0, 11 КО) бар. Жақында бұл қатардыҚанат Исламда толықтырды. Айта кетейік, Нью-Йорктегі бокс кешінде Мейірім Нұрсұлтанов та шаршы алаңға шығып, мексикалық боксшы Алехандро Торресті 6 раундта нокаутпен жеңді. Мадияр да, Мейірім де танымал менеджерЭгис Климаспенкелісімшарттағы боксшылар. Нью-Йорктегі бокс кешінің басты кездесулерінің бірінде жартылай ауыр салмақтағы ресейлік боксшыДмитрий БиволWBA чемпиондық атағын қорғап қалды. Ол 12 раундта кубалықСалливан Барреранынокаутқа түсірді. Ал негізгі кездесуде ресейлікСергей КовалевотандасыИгорь Михалкинді7 раундта техникалық нокаутпен жеңді. Жартылай ауыр салмақта WBO чемпиондық атағын қорғап қалды.