АғылшынныңЛиверпульфутбол клубы араға 10 жыл салып барып Чемпиондар лигасының жартылай финалына шықты.Юрген КлоппшәкірттеріМанчестер Ситидіқарымта ойында да қапы қалдырды. Футбол жанкүйерлері камбэкті Римдегі ойыннан емес, Манчестерден күткен. Көпшіліктің назары да осы ойынға ауған еді. Тіпті 3 минуттаГабриэль ЖезусМанчестер Ситиді есепте алға шығарғанда, елдің құлағы елеңдей түскен. Бірінші тайм аяқталғанша алаң иелерінің есепті еселеулеріне тамаша мүмкіндіктері болған. Бірде қақпа бағанынан қайтса, бірде соғылған голын төреші есепке алмады. Төрешіге дөрекі сөйлеген алаң иелерінің бас жаттықтырушысыХосеп Гвардиолаалаң жиегінен қуылып, ойынды тек сырттан бақылады. 56 минуттаМұхаммед Салахесепті теңестіргеннен кейін, алаң иелерінен жартылай финал жолдамасының ауылы алыстады. 77 минуттаКайл Уокердендопты тартып ала білгенРоберто ФирминоЛиверпульге жеңіс сыйлаған голды соқты. Манчестер Сити соңғы үш ойында да ұтылды. Бір апта бұрын Ливерпульге 3:0 есебімен есе жіберсе, сенбі күні Манчестер Юнайтедтен (2:3) ұтылған болатын. Чемпиондар лигасының жартылай финалына шыққан тағы бір команда Рома. Римдік клуб қарымта ойындаБарселонаны3:0 есебімен ұтып, камбэк жасады. Ал 11 сәуірден 12 сәуірге қараған түніБавария Севилья, Реал Ювентускомандаларының қарымта кездесулері өтеді.