Пхенчхандағы ХХІІІ қысқы Олимпиада ойындары ресми түрде басталмаса да, кей спорт түрлерінен іріктеулер басталып кетті. Бүгін трамплиннен секіру (90 м) сынындаСергей Ткаченкожарыс жолына шығып, іріктеуден өте алмады. 18 жастағы қазақстандық спортшы 51-орын алды. Оның алдындағы 50 спортшы іріктеу кезеңінен өтті. Сергей Ткаченко үшін жарыс аяқталған жоқ. 16 ақпан күні алып трамплин (125 м) сынында бақ сынайтын болады. Шығысқазақстандық спортшы алғаш рет Олимпиада ойындарына қатысып отыр. 9 ақпан күні қазақстандық спортшылар қатарынан жүлдеден үмітті могулшілеріміз жарыс жолына шығып, іріктеу кезеңіне қатысады. Спорт түрі: Фристайл. Могул. Әйелдер. Іріктеу кезеңіҚатысушылар:Юлия Галышева, Аяулым ӘміреноваБасталуы:Астана уақытымен сағат 07:00Спорт түрі: Фристайл. Могул. Ерлер. Іріктеу кезеңіҚатысушылар:Дмитрий Рейхерд, Павел КолмаковБасталуы:сағат 08:45 Айта кетейік, Пхенчхандағы Олимпиаданың ашылу салтанаты ертең Астана уақытымен сағат 17:00-де басталады. Қазақстанның туын шорт-трекшіАбзал Әжғалиевкөтеріп шығады.