XXV қысқы Олимпиада ойындарына болжам бойынша Қазақстан атынан 35 спортшы қатысады, - деп хабарлайды Massaget.kz тілшісі.
Бұл туралы туризм және спорт министрі Ербол Мырзабосынов Үкімет отырысында мәлімдеді. Министрдің сөзінше, ұлттық команда құрамында 35-ке жуық спортшы болады.
"Софья Самоделкина мен Михаил Шайдоровтың мәнерлеп сырғанаудан ресми 2 жеке Олимпиада лицензиясы бар. Сонымен қатар, спортшыларымыз шорт-тректен 9, конькимен жүгіруден 12 лицензия жеңіп алды", - деді Ербол Мырзабосынов.
Айта кетейік, 2022 жылы Пекинде өткен қысқы Олимпиада ойындарында еліміздің намысын 34 спортшы қорғаған еді.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова