Қазақстанның бірінші ракеткасы Александр Бублик спорттық азаматтығын өзгерту туралы ойын айтты, - деп хабарлайды Tengri Sport.
"Мен өнер көрсететін елдің атынан шығамын. Иә, мен Ресейде туып-өстім және өмірімнің көп бөлігін сонда өткіздім. Мен Қазақстанға 2016 жылы көшіп келдім және бұл елмен үлкен эмоционалды байланысым бар. Басымнан қатты қиын кезеңдер өткенде Қазақстанның маған қалай көмектескенін ұмытпаймын. Әрине, мен орыс екенімді, ресейлік екенімді ұмытпаймын. Себебі, менің бүкіл отбасым - ресейлік. Бірақ мен Қазақстанды әлемдік аренада таныстыратынымды мақтан етемін", - деді спортшы сұхбатында.
Айта кетейік, Александр Бублик 1997 жылы 17 маусымда ресейлік Гатчина қаласында дүниеге келген. Қазақстандық теннисші 2016 жылға дейін Ресей құрамасында өнер көрсетті. Ол жұптық сында бір - Үлкен дулыға турнирінің финалисі (French Open - 2021), жекелей сында бір - ATP турнирінің жеңімпазы.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!