Кандон қаласында (Филиппин) волейболдан әйелдер арасында AVC Women’s Nations Cup турнирі өтіп жатыр, - деп хабарлайды Massaget.kz тілшісі ҰОК-қа сілтеме жасап.
Қазақстан құрамасы топтық кезеңдегі үшінші матчын Иран құрамасына қарсы өткізді. Кездесу 3:1 есебімен (13:25, 25:20, 25:14, 25:18) отандастарымыздың жеңісімен аяқталды.
Бұған дейін Қазақстан құрамасы Гонконгты (3:1), Индонезияны (3:0) жеңген болатын. Тоғыз ұпай жинаған құрама В тобында бірінші орынға көтерілді.
Қалған матчтарда қазақстандық волейболшылар Ливан және Вьетнам құрамаларымен кездеседі.
Айта кетейік, А тобында Филиппин, Тайбэй, Оңтүстік Корея, Қырғызстан, Өзбекстан және Аустралия құрамалары өнер көрсетіп жатыр.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова