Қазақстандық теннисші Түркиядағы турнирдің финалына шықты

Фото: ktf.kz

05 қараша 2022, 15:38

17 жасар қазақстандық теннисші Аружан Сағындықова Анталияда (Түркия) өтіп жатқан ITF W25 турнирінде жұптық сынның финалына шықты, - деп хабарлайды Almaty.tv ҚТФ-тің баспасөз қызметіне сілтеме жасап.

Аружан Сағындықова қытайлық Ю-Юн Лимен жартылай финалда қазақстандық Жанель Рүстемова және Сандуғаш Кенжебаевамен шеберлік байқасты.

Аружан мен Ли айқын басымдық танытты - 6:1, 6:3.

Ертең олар ресейлік апалы-сіңлілі Золотаревалармен бас жүлдені сарапқа салады.

Аружан жекелей сында ширек финалға дейін жетіп, тартысты матчте сербиялық Наталия Сеничке жол берді - 6:3, 1:6, 5:7.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

С. Бөлек