Қазақстандық спортшы ірі турнирге қатысады

Лас-Вегаста (АҚШ) үстел теннисінен United States Smash атты ірі халықаралық турнир өтеді, - деп хабарлайды Massaget.kz тілшісі.

Бұл жарыста әлемдік деңгейдегі көптеген жұлдыз бақ сынамақ. Олардың қатарында әлемдік рейтингтің көшбасшылары бар:

• Линь Шидун (Қытай, №1),
• Ван Чуцинь (Қытай, №2),
• Уго Кальдерано (Бразилия, №3),
• Харимото Томокази (Жапония, №4),
• Лян Цзинкунь (Қытай, №5),
• Трулс Морегард (Швеция, №6),
• Феликс Лебрун (Франция, №7),
• Лин Юн-Джу (Тайбэй, №8),
• Дарко Йоргич (Словения, №9),
• Сян Пэн (Қытай, №10).

Қазақстандық Кирилл Герасименко турнирді іріктеу кезеңінен бастайды. Оның алғашқы қарсыласы - Бельгияның үш дүркін чемпионы Мартин Аллегро.

Айта кетейік, турнирдің жүлде қоры - 1 550 000 АҚШ доллары.

Аптаның басты оқиғалары мен пайдалы видеоларды көру үшін YouTube арнамызға жазылыңыз