Қазақстандық каратеші Ханчжоуда алтын жеңіп алды

Фото: olympic.kz

05 қазан 2023, 16:03

Қазақстандық каратеші Нұрқанат Әжіқанов 2023 жылғы Азия ойындарының финалындық жекпе-жегін өткізді, деп хабарлайды Vesti.kz.

Алтын үшін жекпе-жекте 75 келіде өнер көрсететін Нұрқанат Иордания спортшысын жеңді (8:0).

Қазіргі таңда Қазақстан қоржынында Азиаданың 8 алтыны, 12 күміс және 37 қола бар.

Айта кетейік, Әжіқанов әлем чемпионатының екі дүркін қола жүлдегері және Азияның үш дүркін чемпионы.