Қазақстандық гимнаст қыздар Азия ойындарында ел қоржынына екі медаль салды

Фото: © olympic.kz

08 қазан 2023, 09:13

Ханчжоуда өтіп жатқан Азия ойындарында қазақстандық гимнаст қыздар Эльжана Таниева мен Милана Парфилова екі медаль жеңіп алды - деп хабарлайды Massaget.kz тілшісі Olympic.kz-ке сілтеме жасап.

Олар жеке көпсайыста "күміс" пен "қола" жеңіп алды.

Эльжана Таниева мен Милана Парфилова. © olympic.kz

Таниева екінші орынды иеленді. Жалпы, алғанда ол 130.700 ұпай жинады. Парфилова өз кезегінде үшінші нәтижені көрсетті - 130.050 ұпай.

Жеңісті Тахмина Икрамова (Өзбекстан) 131.300 ұпаймен иеленді.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

Д. Шәріпхан