Аса ауыр салмақта жұдырықтасатын кәсіпқой боксшы Иван Дычко (14-0, 13 КО) 27 желтоқсанда шаршы алаңға шықпайтын болды. Отандасымыз жаттығу кезінде жарақат алып қалды, - деп хабарлайды msports.kz сайты.
Иван Дычко ертең Алматыда өтетін бокс кешінде ресейлік Виталий Кудуховпен жұдырықтасуы керек болған. Алайда бүгін жаттығу кезінде иығынан жарақат алып қалғаны белгілі болды.
Ұйымдастырушылар бұл жекпе-жектің кейінге шегерілгенін жазды.
Посмотреть эту публикацию в Instagram
Айта кетейік, Дычко кейінгі айқасын тамыз айында АҚШ-та өткізіп, жергілікті боксшы Крейг Льюисті (15-8-1, 8 КО) нокаутқа түсірген болатын. Ал әуесқой бокста Иван Олимпиаданың екі дүркін чемпионы атанған өзбек Баходир Жалоловты төрт рет жеңген қазақстандық жалғыз боксшы.
О. Сансызбай