Қазақстандық боксшы АҚШ-та өткен жекпе-жегінде нокаутпен жеңіске жетті

Қазақстандық жартылай орта салмақтағы боксшы Абылайхан Жүсіпов (4-0, 3 КО) кәсіби рингте кезекті жекпе-жегінде жеңіске жетті. Бұл жолы ол Тулса (Оклахома, АҚШ) бокс кешінде қарсыласы Никарагуалық Уинстон Кампоспен (33-12-6, 20 КО) жұдырық түйістірді, - деп хабарлайды Massaget.kz тілшісі Vesti.kz-ке сілтеме жасап. 

Жекпе-жек 8 раундқа есептелген болатын. Алайда кездесу 5-раундта қазақстандықтың техникалық нокаутпен жеңісімен аяқталды.

Нәтижесінде Абылайхан Жүсіпов өзінің активіне кәсіби деңгейдегі төртінші жеңісін енгізді, ал Кампос 12-ші жеңілісіне ұшырады.

Айта кетейік, Жүсіпов әуесқойлар арасында үш рет әлем чемпионатының қола жүлдегері атанды (2017, 2019, 2021). Сондай-ақ 2017 жылы Азия чемпионатының күміс жүлдесін жеңген еді. 

Өзекті жаңалықтарды өз уақытында оқу үшін Facebook парақшамызға жазылыңыз!