Қазақстан құрамасы әйелдер күресінен Албанияда өткен халықаралық турнирде сәтті өнер көрсетіп, енді Азия чемпионатына дайындықты бастап кетті. Бұл туралы ұлттық құраманың бас бапкері Нұрсұлтан Теміров Olympic.kz сайтына берген сұхбатында айтты, - деп хабарлайды Massaget.kz тілшісі.
Оның сөзінше, осы жарысқа дейін екі оқу-жаттығу жиыны жоспарланған.
"Алғашқы жиын Ыстықкөлде өтеді. Ол жерде негізінен жалпы дене дайындығына басымдық беріледі. Екінші кезең Бішкек қаласында ұйымдастырылады. Бұл бірлескен оқу-жаттығу жиыны ретінде өтеді. Оған Қырғызстан, Қазақстан және Корея құрамаларының спортшылары қатысады", - деді бапкер.
Айта кетейік, Азия чемпионатынан кейін Қазақстан кубогы өтеді.
Аптаның басты оқиғалары мен пайдалы видеоларды көру үшін YouTube арнамызға жазылыңыз